大家好, 我係多多, 有睇開媽媽fb 的朋友仔一定知我係邊個~ 我係媽媽朋友界的大明星嘛!!
媽媽終於批準我向大家say hello~~
本狗第一樣想同大家分享的事, 係我狗生中其中一個佔好大地位的物件, 就係我嘅廁所, 聽媽媽講, 我未出世前, 媽媽有一次屋企火警, 燒爛左餅餅同 bb 個廁所, 餅餅仲發脾氣0係水中心臭臭, 咦~~~ 從此媽媽就好有心機安排我地去廁所的地方 (火警詳情大家可以睇媽媽在某本寵物雜誌的訪問) ..
.
我好叻架! 媽咪用左好短時間教我, 我就識得去廁所, 快過0個隻傻餅好多, 點解? 因為次次去岩廁所媽咪都會讚我, 我好開心, 但媽咪唔0係度我就唔駛去岩喇, 都冇人讚我嘅, 鐘意邊度去就邊度去~~ 媽咪番到黎就激死了,嘻嘻…
點解我話媽媽好有心機整廁所? 無論係我地狗狗, 定係叉燒嘅廁所, 佢次次搬屋都花好多時間好大工程去整一個, 我就唔知佢點整喇, 又水喉又鐵通,又架又鋸又繩咁, 好似又話可以尿尿自動流入坑渠,每日淋水就得又唔會整濕腳仔喎, 我咩都唔知, 我淨係知道我地個廁所一個比一個大, 媽媽話因為我有潔癖, 人地去過嘅地方要逼講多幾次尿尿我先肯去, 我都唔明, 我已經扮野跳左上去先落黎架啦, 點解媽媽會知我未去架呢? 因為咁樣, 所以媽媽要整大d個廁所喎, 咁係呀嘛, 個個去完我又去, 咁污漕~
依家每一朝媽媽起身我都會表演一次去廁所佢睇, 去完佢會讚我, 講個秘密你地知, 我仲會成日去完再去, 冇得尿尿都扮去紮個馬, 等媽媽又讚我, 有時仲會有支支食添呀!! 唔好同媽咪講我扮去呀, 佢唔知架~~ 你地睇下我去廁所個樣, 幾神氣??
沒有留言:
張貼留言